VIGAN CITY – Dead on arrival gapu iti mapapati a panagbekkelna ti maysa a babai nga agtawen iti tallopulo ket walo, maysa nga Overseas Filipino Worker, taga-Barangay San Antonio, Narvacan.
Nakaawat iti report ti Narvacan Police Station nga adda napasamak a panagpakamatay iti nasao a lugar a dagus met a tinurongda.
Ngem idi makadanunda iti lugar, naibaban ti bangkay ti biktima ken naitarayen iti ospital.
Segun iti kabsatna a lalaki, kasangsangpetna iti pagtaenganda idi napan iti likudan ti balayda a pakasarakan ti shower area da idin ta nakitana ti biktima a nakabitin iti likudan iti aruangan ken naigalut ti tengngedna babaen iti extension wire.
Depresyon ti mapapati a rason agsipud ta imbutaktak ti kabsat ti biktima a daytoy ket tinerminate ti employerna idiay Singapore idi nagpakada nga agawid.
