VIGAN CITY – Natalgeden iti kasasaad ti babai nga agtawen iti dua a taga-Alfonso, Gregorio del Pilar a dandani nalmes idiay Kintukudan River, Barangay Alfonso idi naminsan nga aldaw, April 6.
Uray pay kasta, segun ken ni Police Lieutenant Roland Villaluz, hepe ti Gregorio del Pilar municipal police station, maob-obserbaran pay laeng iti ospital ti ubing tapnu makita a naimbag iti kasasaad iti salun-at na.
Maipalagip a napan iti karayan ti biktima, kadua na dagiti kakabagyan na ta napan da nagpipicnic ta binittak dagiti uliteg na ti rama da iti karayan.
Idi riknaen ti uliteg na ti rama da iti uneg iti danum, ti metten ubing ti narikna na isu nga insigida da nga inalaw ket pinakatan da ti first aid sakbay nga intaray da iti Rural Health Unit iti ili sa naipan idiay Candon City General Hospital ngem naiyalis idiay Ilocos Training Regional and Medical Center, San Fernando City, La Union.
