VIGAN CITY – Natay ti maysa a babai ta napilidan ti ulona ti aksidente a napasamak idiay Barangay Saoat, Sta. Cruz, Ilocos Sur.
Nabigbig ti pimmusay a ni Janice Achevera Josue, agtawen ti tallo pulo ket pito ken agnaed ti Barangay Padaoil ti nasao met laeng nga ili.
Karaman ti aksidente ti motor ti biktima a motorstar nga adda ti plate number na a 704 AFO ken ti nagmaneho ti bus a ni Valentine Tomas Agcaoili, agtawen ti tallo pulo ket pito nga agnaed iti Barangay 30 B Sta. Maria, Laoag City.
Maibasar iti imbestigasyon, dagiti dua a lugan ket agpada nga agpapabagatan a direksyon idinto ginandat ti nakamotor a sumrek ti inner lane aggapo ti outer lane a gappuanan ti panagsinnagidda.
Napilidan ti ulo biktima a puon ti nakatayan na idinto a ti driver ket naipan idiay PNP Sta. Cruz para ti proper disposition-na.
