Maysa a babai iti nakemmeg iti panagtakawna iti maysa a supermarket idiay Poblacion Este, Sta. Cruz, Ilocos Sur.
Ti suspek ket agtawen iti tallopulo ket siam nga agnaed idiay Blk 20 Lot 21 Hernandez Catmon, Malabon City.
Nakaawat iti report dagiti duty HIPAD iti Sta. Cruz Police Station mainaig iti panagtakawan iti tiendaan iti ili isu a nagrespondeda a gappuanan ti pannakakemmeg ti suspek.
Segun ti security guard a ni Ramsid Ampong Batua, nakitana ti suspek a pumanaw iti establishyimento a naka-iggem iti black bag a makapadudua iti tignayna isu a kiniddawna a kitaen ket isun ti pannakaduktalna a nangala ti suspek iti agduduma nga items iti grocery store nga awan ti resibona.
Inted ti suspek ti bag iti secutity guard ken timmaray a napan iti exit ngem isun ti panangkamat ti guard.
Ti bag ket naglaon iti duapulo a piraso iti assorted light items nga aggatad iti P10,459 ken naala ti possession na iti sangapulo a piraso iti Body Spray nga awan ti resibona nga aggatad ti P1,197.50.
