VIGAN CITY – Maysa a babai iti nakemmeg iti naisayangkat nga Anti-Illegal Drug Operation idiay Brgy. 9, Vigan City, Ilocos Sur.
Segun ti Vigan City Police Station, ti suspek ket ni Emelyn Velasco Reyno, nailista a drug personality kas SLI, provincial priority target, agtawen iti uppat a pulo ket innem, naasawaan, fruit vendor nga agnaed idiay Rivero Street, Brgy. 9, Vigan City.
Insayangkat dagiti pannakabagi ti linteg iti anti-illegal drug operation iti nasao a lugar a gappuanan ti pannakakemmeg ti suspek a naaktoan ti panagilakona iti small heat-sealed transparent sachet a naglaon iti mapapati a shabu iti nagpammarang a poseur buyer.
Naala kenkuana iti maysa a small heat-sealed transparent plastic sachet a naglaon iti mapapati a shabu, maysa a piraso iti bassit a heat-sealed transparent plastic sachet a naglaon iti shabu, maysa a nakalukatnga empty transparent plastic sachet, maysa a nangisit a bag a naglaon iti buy bust money nga aggatad iti P500, maysa a bassit a pink pail a naglaon iti kaha iti posporo nga addaan iti tallo a babassit a transparent sachet iti mapapati a shabu, ken dua a cellphone.
Mapapatta-patta a nasurok kumurang .5 a gramo iti shabu nga aggatad iti P3,400 iti naala kenkuana.
Naipan ti suspek iti Vigan City Health Office para iti medico legal ngem iti agdama ket addan iti kustodiya iti pannakabagi ti linteg para iti proper disposition ken documentation.
