Maysa a babai ti nakemmeg iti naiwayat a buy-bust operation idiay San Juan, Ilocos Sur.
Ti suspek ket agtawen iti tallopulo, taga-Magsingal ken nakalibas met ti ulitegna babaen iti naglugananna a motorsiklo.
Iti pannaki-uman ti Bombo Radyo Vigan ken ni PLT. Reynald Ramos, Deputy Chief of Police iti San Juan Police Station, maikadua a gundaway a matiliwandan ti suspek ta idi damo ket negatibo ti nagbalin nga operasyonda.
Ti suspek ket inmanehoan ti ulitegna ket idi nayawatna ti iligal a droga iti nagpammarang a poseur buyer, ingawidda daytoy idinto a pinataray metten ti ulitegna ti motorsiklo.
Idi napan a tawen ket natiliw idi ti asawa ti suspek gapu met laeng iti iligal a droga.
Nakumpiskar manipud iti uspek ti nasurok kumurang 5.47 a gramo ti mapapati a shabu nga aggatad iti P37,223.2 a naikabil iti walo a piraso ti heat sealed transparent plastic sachet.
Dagiti non-drug evidence ket pakairamanan ti maysa a sangaribo a pisos a buy-bust money, karton ti sigarilyo, wet wipes, cellphone ken lighter.
Sangwen ti suspek ti kaso a panaglabsing iti Republic Act 9165 wenno Comprehensive Dangerous Drugs Act of 2002.
