VIGAN CITY – Naipan iti Ilocos Sur Provincial Hospital-Gabriela Silang ti maysa a babai nga agtawen iti tallopulo kalpasan iti mapapati a panagbekkelna idiay Brgy. Fuerte Caoayan.
Segun ti Caoayan Municipal Police Station, ti biktima ket addaan iti live-in partner, house keeper nga agnaed iti nasao a lugar.
Nakaawat iti impormasyon ti Caoayan Police Station manipod kadagiti personnel iti hospital a ti biktima ket intaray ti live-in partner ken dadduma pay a kabagyanna babaen iti panangiluganda iti tricycle.
Maibasar iti inisyal nga imbestigasyon, ti biktima ket nagbekkel babaen iti tali nga ingalotna iti bobeda.
Nupay kasta, nakita ti live-in partnerna ken ti anakna nga agtawen iti sangapulo ket dua iti inaramidna isu a nagtinulongda a nangikkat iti tali iti biktima ken impanda iti ospital para iti pannakaisalakanna.
Kabayatanna, saan pay nga ammo nu ania ti motibo ti biktima iit panagbekkelna.
