VIGAN CITY – Natay ti maysa a babai ta imminom ti soft drinks nga adda laokna a muriatic acid idiay Candon City.
Basar ti report manipod Candon City Police Station, nakaawatda iti report inaig ti maysa a babai nga agtawen uppat a pulo ket lima a single a nagpaarayat ti karrubana ta agsakit iti tyanna a naipan idiay Candon City Hospital.
Imbuksilan ti biktima kenni Dr. Michelle Palasiw nga imminom isuna ti soft drink nga adda laokna a muriatic acidna.
Pimmusay ti biktima malem idi kalman bayat iti pannatamingna iti nasao nga ospital.
Rimmuar ti imbestigasyon dagiti otoridad nga adda parikot ti biktima inaig iti utang a saanna a nabayadan manipod kadagiti nadumaduma a lending company ta nadakamat na it kasinsinna babaen iti social media a saannan a kaya ken kayatnan iti agpakamatay.
