VIGAN CITY – Daan a susik iti rason nu apay a binagkong Maricriz Corpuz nga agtawen ti tallo pulo ket walo ni Rodel Bagaan, agtawen ti tallo pulo ket dua, maysa a mannalon nga agpada nga agnaed idiay Cabaroan, Magsingal.
Maibasar iti inisyal nga imbestigasyon ti Magsingal municipal police station, nagsango a naginom dagiti dua iti pagtaengan ni Corpuz ket idi nalpas da, sumrek kuman iti pagtaengan da ti suspek ngem sinurot ni Bagaan ket dinanug na iti ulo na.
Agsipud iti dayta, nakapungtot ti suspek ket nangala iti kutsilyo ket inbagsol na iti akin-kannawan a sibet ni Bagaan ket naipan idiay Northside Doctors Hospital, Bantay para iti pannakatamingna idinto a ti suspek ket nakemmeg idi nagresponde dagiti pannakabagi ti linteg.
Ti kutsilyo a naaramat iti nasao a pammagkong ket agatiddog ti sangapulo ket dua a pulgada.
Mapapati a daan a susik iti rason nu apay a napasamak iti nasao a pammagkong ngem manarimaan pay laeng iti naun-uneg nga imbestigasyon dagiti otoridad iti nasao a pasamak.
