VIGAN CITY – Nabagkong ti maysa a lalaki ta nagririda live in partner na bayat iti panaginnomda ti arak idiay Brgy. Pug-os, Cabugao.
Nabigbig ti biktima a ni Ferdinand Solar Saplor agtawen ti uppat a pulo ket lima construction worker ken ti suspek a ni Ailyn Molles Dano agtawen ti tallo pulo ket lima agpada nga agnaed ti nasao a barangay.
Basar ti report manipod Cabugao Municipal Police Station, agininom ti arak dagiti dua agingga nga adda iti saanda a panagkinnawatan ket mapapati a pinagsawsaw-an ni Ferdinand ti dakes ni Ailyn iso a narurud ket nangala ti kutsilyo a pinangbagkongna.
Naipaagas ti biktima idiay Suero Clinic and Hospital ngem naiyalis idiay Mariano Marcos Memorial Hospital para iti naananay a pannakatamingna.
Ti agdama iggemen ti PNP ti suspek ket ti kutsilyo a naaramat a nasurok sangapulo ket maysa a pulgada ti kaatiddogna agraman ti apputanna.
