VIGAN CITY – Agtaltalinaed idiay ospital para iti naan-anay a pannakataming ti biktima iti pammagkong idiay Brgy San Jose, Candon City idi alas dose y media iti agsapa idi kalman, January 16.
Nabigbig ti biktima a ni Maricel Lim Cortez, agtawen ti lima pulo ket pito idinto a ti suspek ket ti mismo nga asawa na a ni Gervacio Mati Cortez alyas Jerry, agtawen ti innem a pulo ket dua nga agpada nga agnaed iti nasao a lugar.
Nangngeg dagiti kaarruba da nga agap-apa dagiti agassawa iti uneg iti pagtaenganda ket kalpasan iti sumagmamano a minutos, rimuar a daradara ti biktima a nagpaarayat kadagiti kaarruba na ta binagkong ti asawa na.
Ti agdama, ikoten ti Candon City police station ti suspek ket maiyur-uray iti desisyon ti kakabagyan ken mismo ti asawa na nu agidarum da wennu saan.
