Babai a taga- Sta. Cruz, mapapati a nagpakamatay ta nalugi ti negosyo na

VIGAN CITY – Mapapati a nagpakamatay gapu iti pannakalugi ti negosyo na idiay Manila iti maysa a babai idiay Brgy.Calaoan, Sta.Cruz.

Nabigbig ti biktima a ni Josefina Cortez Rabaya nga agtawen ti uppat a pulo ket innem nga agnaed iti nasao a lugar.

Nasarakan laengen ni Darwin Cortez iti kabsat na a nakabitin iti bobeda ken awanen iti biyag na babaen iti inusar na a waya iti kuryente.

Maibasar iti imbestigasyon dagiti otoridad, namin adon a daras a ginandat ti biktima ti agpakamatay gapo met laeng iti nasao a rason.