VIGAN CITY – Maysa a babai a taga Dueñas, Iloilo City ti mangsapsapul iti amana iti probinsia iti Abra.
Babaen iti pannaki-uman ti Bombo RAdyo Vigan ken ni Giza Ladublan, awan ti ideyana no sibibiag pay laeng ti amana ta dimmakel iti sidong iti lilongna a pimmusayen.
Mangnamnama a babaen iti Bombo Radyo Vigan ket masarakannan ti pudno nga amana a ni Guillermo Zabala, taga-Pidigan, Abra basar metten iti detalye nga inted kenkuana iti inana a ni Lea Ladublan.
Iti istoria ni Ladublan, pinanawan ida ti pudno nga amana idiay Alabang a nagtalinaedanna idi ubing isuna ken lugar a nagbunyaganna.
Ngem gapu ti panangpanaw kenkuana ti amana ket inyawid isunan iti ina na idiay Iloilo.
Pinadasnan ti nagbirok iti social media, simrek kadgiti grupo ken municipal page iti Abra ken Ilocos ngem awan awan ti naganabna ngem idi naam-ammona ti katrabaho na ita a naggapo iti Ilocos ginundawayanna iti nagpainterview gapo iti gagar na a maam-ammo ti pudno na nga ama
Para kenkuana, adda kurang iti kinataona ken patienna a kurang ti ayat a naipaay kenkuana isunga kasta la unay iti panagsapulnan.
Awan iti naipakita na a ladawan iti ama na ta iti pannakalagipna nu sadino iti naudi a pannakakita na dagiti ladwan ket iti basuraa iti likudan iti balaydan idi ubing isuna.
Patta-pataenna nga agtawen itan iti nasurok limapulo ti amana isunga ipanpanawaganna a no siasinoman ti makaam-ammo iti pudno nga amana, ket ipakaammoda kenkuana wenno iti istasyon ti Bombo Radyo para iti panagsinnarakda a dua.
