Babai a taga- Baguio City, biktima ti pananglimlimo ti Indian national

VIGAN CITY – Maysa a babai iti mapapati a biktima iti pananglimlimo ti maysa a lalaki nga Indian National a naggapo idiay Baguio City.

Sapsapulen da ti Indian national a lalaki a mapapati nga agad-adal idiay University of Northern Philippines – College of Medicine ta saanna a binayadan iti insalda na a pick up sa na met laeng innala.

Segun kenni Joan Bugtong manipod ti Baguio City a nagreport idiay Vigan City Police Sation, naamammoda laeng idiay casino ti Indian national ta nagpapakaasi kadakuada saldaen da iti luganna ket ginarantoran na ngem imbes nga ibati ti suspek iti insalda na a lugan, innala na met laeng ket tatta, saan dan a masapulan iti ayan na.

Nadakamat pay ti suspek ken ni Bugtong nga am-ammo na ni Gov. Rayan Singson.

Inpangas na pay nga uray manu a porsyento ket kabaelan na a bayadan iti panangisalda na ngem saan da metten a masapulan iti ayan na ket pinadas da a sapulen ditoy syudad ta mapapati a Medicine student ti UNP ti suspek.