Babai a sumangsango iti kaso nga estafa, nakemmeg

VIGAN CITY – Maysa a babai ti nakemmeg babaen iti bileg ti warrant of arrest idiay Barangay Ora West, Bantay.

Nabigbig ti suspek a ni Jennifer Pascua, agtawen iti tallopulo ket maysa nga agnaed iti nasao a lugar.

Ti suspek ket sumangsango iti kaso nga Estafa a ti warrant of arrest-na ket imparuar ni Acting Presiding Judge Redan Adajar Acal iti Municipal Trial Court, Bantay.

Sangapulo ket walo a ribo a pisos ti nailatanga pyansana tapno temporaryo a mawayawayaan.