VIGAN CITY – Naipaagas ti ospital ti maysa a babai a nakabil idiay Brgy. Ampadula, Santa, Ilocos Sur.
Nabigbig ti biktima a ni Lucita Cabanatuan Valmores, agtawen ti limapulo ket uppat, balo nga agnaed iti nasao a lugar idinto a ti suspek ket ni Cesar Pineda, addan ti husto a tawen, agtagikua iti Pineda Funeral Homes a taga-Brgy. Bulag East, Bantay.
Maibasar ti inisyal nga imbestigasyon dagiti pannakabagi ti linteg, manarimaan iti panangrabii ti biktima kaduana ti pamiliana idi nagprubokar ni Pineda ken secretary-na a ni Robert ken saan a nabigbig a lalaki ta napanda siningir gapu iti utangna iti funeral service ti asawana.
Gapu ti dayta, rimmuar ni Valmores ngem nakaiggemen iti tubo ni Pineda ket apaman a nakitana ni Valmores ket kinabilnan babaen ti tubo nga igiggamanna a gappuanan ti pannakapunta iti akin-kannawan a saka ken likodna.
Nagpaarayat ti biktima iti karrubana ngem insigida a pimmanaw ti suspek ken kakaduana.
