Maysa a babai a piloto ti natay iti panagswek ti linugananna a helicopter idiay Purok Arimungmong, Barangay San Miguel, Guimba, Nueva Ecija.
Maibasar iti inisyal a report, alas dyes iti agsapa idi kalman idi pimmanaw idiay Manila a mapan Baguio ti helicopter.
Alas dose iti aldaw, nangidissaag daytoy iti maysa a pasahero idiay Baguio sakbay a timmayab manen a napan Binalonan, Pangasinan tapno ag-refuel.
Segun kadagiti opisial ti Binalonan Airport, nadlawda a marigatan nga agrestart ti helicopter sakbay a timmayab iti alas kwatro y media iti malem.
Alas syete iti rabii idi madetect ti Philippine Aeronautical Rescue Coordination Center ti innem nga emergency transm itter locator alerts a nakakumpirmaran a maysa a helicopter ti nagswek idiay Guimba, Nueva Ecija.
