VIGAN CITY – Dead on arrival ti maysa a babai a napan nagala shells iti kabaybayan idiay Brgy. Katipunan, Sinait, Ilocos Sur.
Ti biktima ket ni Myrnalita Iloreta Icat, agtawen iti limapulo ket pito, balasang, awanan trabaho nga agnaed iti nasao a lugar.
Iti pannaki-uman ti Bombo Radyo Vigan ken ni PMaj. Franco Catalan, adda ti epilepsy ti biktima nga isu ti amkenda a rason ti pannakalmesna bayat ti panagalada iti shell kaduana ti kabsatna a ni Analyn Layungan ngem nairana a naginnadayoda ket idi nagsubli ti kabsatna nakitana laengen a tumtumpaw ti biktima.
Segun ken ni Catalan, apaman a nakaawatda iti report iti pasamak ket nagrespondeda ken insigida a naisayangkat iti first aid iti biktima ken naipan ti Ilocos Sur district Hospital ngem naipakaammon a natay babaen ti attending physician-na.
Kabayatanna, nagpalagip ni Catalan kadagiti amin a mapan iti kabaybayan a nu adda ti kadua a kameng ti pamilia nga adda sagsagabaenna ket siguradoen a saan a maliwayan tapno saanen a maulit iti kas ti nasao a pasamak.
