--Ads--
VIGAN CITY – Natay iti panangpaltog ti saan pay nabigbig a suspek ni Flora Laysa Villamar, agtawen iti limapulo ket siam, taga-Barangay Libtong, Tagudin.
Maibasar iti pakpakauna nga imbestigasyon, agpapatang ti biktima kadua ti kabsatna a babai ken kaanakanna iti ruar ti pagtaenganda ket idi immuneg ti kaanakanna iti balayda a napan imminom iti danum, nakangngegda iti kasla uni ti paputok ket dagus met a rimuarda ken nakitada ti biktima a nakadasay a dara-dara.
Segun iti kaanakan ti biktima, nangngegna ti motorsiklo a nagturong iti saanen nga ammo a direksyon.
Naitaray iti ospital ti biktima ngem naideklarar a dead on arrival.
-- ADVERTISEMENT --
