VIGAN CITY – Nakemmeg ni Mary Ann Gellado, agtawen iti uppat a pulo ket maysa, agnaed iti Blk 54 Lot 13 Phase 12 Tala, Caloocan City gapu iti panagtakawna iti walo a cellphone.
Dagiti biktima ket da April Joy Reyes Casison, agtawen iti sangapulo ket siam, agnaed iti Barangay Salincub, Santiago ken ni Christian Custodio Edelon, agtawen iti duapulo ket walo, salon owner nga agnaed iti Barangay Mambog iti nasao met laeng nga ili.
Nagpatulong dagiti biktima kadagiti nakadeploy a pulis idiay Magsingal ken ti 3rd platoon 12st ISPMFC kabayatan ti concert iti Magsingal town fiesta a ti Iphone ni Casison ken ti wallet ni Edelon ket intaray ti suspek a nagpa-abagatan.
Nangisayangkat iti hot pursuit operation ket natiliw ti suspek ken naala kenkuana ti maysa a shoulder bag a naglaon iti maysa nga Iphone XR a kuku ani Casison.
Malaksid dayta, adda pay dua nga Iphone 11, maysa nga Iphone 7, maysa a Realme C11, dua a Samsung ken Redmi cellphone.
Nupay kasta, sangwen ti suspek ti kaso a Theft a maipila kontra kenkuana.
