VIGAN CITY – Pakabuklan nga innem a gasut ket tallo a pisos iti gatad dagiti tinakaw ni Jennifer Medrano Austria, agtawen ti dua pulo ket pito, naasawaan, awanan trabaho ken agnaed idiay Barangay Sinabaan, Sta. Catalina idiay Watsons, Xentro Mall Brgy. III, Vigan City idi kalman.
Segun kenni Melissa Cabantac a nakakita iti pasamak, inbag ni Austria ti Nivea for Men Anti-Acne, Nivea for Men Whitening ken Beauty Trends Peel Off 120g idiay Watson Store iti Centro Mall.
Saan nga inasitgan ni Cabantac ti suspek idi nakita na iti inaramid na ngem inpakaammo na iti security guard isu nga idi rumwar kuman ni Austria ket linappedan da.
Innayon pay ni Cabantac nga idi napan a lawas ket napan manen nagtakaw ni Austria ta nakitada ti CCTV Footage isu a pinaliiw ken binantayandan idi napan idi kalman iti nasao a pagtagilakoan.
