--Ads--
VIGAN CITY – Pinasingkedan ni Police Captain Pedro Halover iti San Vicente Police Station a napigsa ti impact ti aksidente a nakatayan ti maysa a babai idiay Barangay Bayubay Sur, iti nasao nga ili.
Ti biktima ket ni Ellaine Mae Aguinaldo Pastor, agtawen iti duapulo ket walo, agnaed iti Barangay Puspus, Bantay.
Iti pannaki-uman ti Bombo Radyo Vigan ken ni Halover, duapulo a metro ti distansya ti biktima manipud iti motorsiklo a minanehona.
Naggapu ti biktima a nakiinom idiay San Vicente ket maipalagip a daytoy ket agturong iti daya ngem idi makadanun iti crossing, naawanan iti kontrol iti manibelana ket naidungpar iti alad ti Barangay Bayubay Covered Court.
-- ADVERTISEMENT --
Gapu dayta, nagsagrap iti nakaro a pannakadunor ti biktima a puon ti nakatayanna.
