Dead on arrival ti maysa a babai a nagmotorsiklo kalpasan a madungpar ti pickup idiay Barangay Panay Norte, ili ti Magsingal.
Ti biktima ket minaneho ti Honda Beat 125 motorcycle ket agtawen iti limapulo ket pito, residente ti Barangay Nagbettedan, Sto. Domingo, Ilocos Sur.
Ti suspek ket nminaneho ti Mitsubishi Estrada ket agtawen iti pitopulo ket tallo, agnanaed iti Barangay Labut, Magsingal ngem tubo iti Barangay Taguiporo, Bantay.
Iti pannakiuman ti Bombo Radyo Vigan ken ni PCPT Melvin Trinidad ti Magsingal Police Station, agpapa-abagatan a direksion ti motorsiklo idinto a ti pick-up ket agpapa-amianan a direksion.
Idi madanon da ti nakapasamakan ti insidente, nasagid ti pickup ti motorsiklo isu a natulid ti nagmaneho ti biktima iti kalsada.
Gapu dayta, nagsagaba ti dunor iti agduduma a paset ti bagi ti nagmaneho ti motorsiklo a dagus a naitaray iti balay pagagasan ngem naideklarar a dead on arrival.
Naammuan a naggapu ti nagmaneho ti pickup iti maysa a paginoman iti siudad ti Vigan ken nakainom ti arak idi napasamak ti insidente.
Iti agdama, mannarimaanen ti pannakasimpa dagiti dokumento para iti pannaka-proseso ti maiyannatop a kaso a sangoen ti suspek.
