--Ads--
VIGAN CITY – Nadundunor iti rupa ken na-fracture iti akin-kannigid a luppo ti maysa a babai gapu iti pannakaidungparna iti poste ti kuryente idiay Brgy. Langaoan, Sta. Maria.
Iti pannaki-uman iti Bombo Radyo Vigan ken ni PLt. Joel Dasargo nga OIC iti Sta. Maria Municipal Police Station, naka-inom iti arak a nagmaneho iti motorsiklo ken saan a nagaramat ti helmet ni April Joyce Dela Cruz, agtawen iti duapulo ket pito a taga-Lesseb, Burgos.
Segun ken ni Dasargo, posible a napaspas iti panagpataray bayat ti panagawid ni dela Cruz isu a naawanan ti kontrol iti manibela iti motorsiklona a gappuanan iti pannakaidungparna.
Nupay kasta ket natalgeden iti kasasaad ni dela Cruz bayat ti kaaddana iti ospital.
-- ADVERTISEMENT --
