VIGAN CITY – Na-fracture ti saka ken ima ni Girlie Doroja nga agtawen ti uppat a pulo ket lima, naasawaan ken agnaed idiay San Fernando City, Pampanga gapu iti pannaka-aksidente iti nagluganan na a Toyota Altis idiay national highway ti Barangay Catayagan, Sta. Lucia idi ala una y media idi malem idi kalman, October 22.
Segun ken ni Municipal Disaster Risk Reduction and Management Office (MDRRMO) head Romeo Buenavista, agpapa-amyanan ni Doroja idi aksidente a madungpar ti elf truck a minaneho ni Gerald Dave Frias nga agtawen ti sangapulo ket siyam nga agnaed idiay Turac Bacag East, San Carlos City, Pangasinan.
Nag-overtake iti driver ti elf truck iti outer lane iti agpa-abagatan a direksyon ket iti panagovertake na, nadungpar na iti poste iti kuryente isu a bimtak iti akin-sango a pilid iti lugan isu a naawanan iti kontrol iti manibela ti driver ket nadungpar na iti kinasinnabet na a kotse a naikaranukong iti igid iti kalsada ket naipit iti poon iti kayo ti kotse.
Agsipud iti dayta, naipit ti saka ken ima ni Doroja isu a nafracture ket nagtitinnulong dagiti pannakabagi ti linteg, Bureau of Fire Protection, MDRRMO ken dagiti agindeg iti nasao a lugar tapnu maikkat da iti uneg ti lugan iti naipit a biktima idinto a ti driver ti truck ket naipan idiay Ilocos Sur District Hospital- Sta. Lucia.
