VIGAN CITY – Agtultuloy ti imbestigasyon ti Vigan City Police Station no ania ti makaigapu iti mapapati a panagbekkel ti maysa a babai idiay San Julian Norte.
Ti biktima ket ni Remedios Fontejon, agtawen iti limapulo ket pito, agnaed iti nasao a lugar ken mapapati a timpwak iti bubon.
Nasarakan ti biktima iti bubon nga adda iti tengnga ti talon iti nasao a barangay a nakaigalut iti water hose babaen iti nylon a naiputipot iti tengngedna.
Iti pakauna nga imbestigasyon, pinasingkedan ti asawa ti biktima a ni Jose Fontejon, agtawen iti innem a pulo ket lima nga alas sais iti agsapa idi kalman ket mapukpukawen ti misisna isu nga apanda biniruk iti putotna a ni Jayson kadua payen dagiti barangay official ket ti anakna ti nakakita nga adda iti bubon ti inana nga awanen iti biagna.
