VIGAN CITY – Pimmusayen ti babai a backrider ti motorsiklo a naaksidente idi kalman, November 13, 2022 iti national highway idiay Brgy. Napo, Magsingal, Ilocos Sur.
Iti pannaki-uman ti Bombo Radyo Vigan ken ni PCpl. Emmanuel Reolalas iti Magsingal Municipal Police Station, agtultuloy iti imbestigasyonda inaig ti napasamak nga aksidente iti nagkalubbon ti motorsiklo a Honda Beat nga agmaris ti puraw a minaneho ni Jericho Pastor Pugal, agtawen ti duapulo ket dua, construction worker nga agnaed idiay Brgy. San Isidro, Bantay ken ti backrider-na a ni Ellaine Raguindin Pilar, agtawen ti duapulo ket dua, balasang, estudyante nga agnaed idiay Brgy. San Julian Sur, Vigan City.
Segun ken ni Reolalas, agpapaamianan a direksyon dagiti nagkalubbon ti motorsiklo idi nadanonda iti nasao a lugar ket bimtak ti akin-likod a pilid ti motorsikloda a rason ti pannakaaksidenteda ket nagsagabaanda iti nakaru a dunor ti ulo ken nadumaduma a paset ti bagida.
Pinasingkedan dagiti kakadua dagiti dua a mapan koma agdidigos idiay San Juan dagiti nagkalubbon tapno agdidigos iti baybay ngem napasamak metten ti aksidente.
VOICE OF PCPL. EMMANUEL REOLALAS – ACCIDENT
