Pinasingkedan ni Independent Commission for Infrastructure Executive Director Atty. Brian Hosaka a naituding ti panagsapata ni dati a Philippine National Police Chief Rodolfo Azurin kas ICI special adviser inton Lunes, October 13.
Segun ken ni Atty. Hosaka, mapasamak ti oath taking iti alas dyes iti agsapa idiay ICI office, Taguig City.
Sinukatan ni Azurin ni Baguio City Mayor Benjamin Magalong.
Iti umuna nga idadar-ay ni Azurin iti taripnong dagiti ICI nga official, kunana a narigat ti naited kenkuana a trabaho nangruna ta ni pay Magalong ti sinukatanna ngem kunana nga ikagumaanna.
Saanna nga itulok nga awan ti madusa mainaig iti isyu nangruna ta naduktalan ti Department of Public Works and Highways ti 421 a ghost flood control projects iti nadumaduma a lugar iti pagilian a ti kaadduan ket iti Luzon.
