VIGAN CITY – Impasigurado ni Gov. Ryan Singson kadagiti saan pay a nakaawat a residente iti tunggal ili ken siudad a naisakup iti Enhanced Community Quarantine a dumanon kadakuada dagiti ayuda.
Segun ken ni Gov. Ryan Singson, awan ti pagdanagan dagiti residente ta agingga malpas iti ECQ ket urayenda laeng a maipan kadakuada ti lima kilo a bagas ken 1 whole chicken ta nasurok a 153K a household ti ipaayanda iti tulong ket saan a nadaras a makadeliver dagiti supplier.
Ti pannakaiwaras ti ayuda ket babaen ti panagbinnulig ti Provincial Government of Ilocos Sur ken Local Government Units isu a pagyamanan ti gobernador dagiti mayor.
Nupay kasta, agtultuloy ti repacking ken distribusyon ti ayuda iti tunggal household kadagiti ili ken siudad a naisakup iti ECQ.
