--Ads--
Inlawlawag ni Senador Erwin Tulfo nga awan ti nakatuding nga hearing ti Senate Blue Ribbon Committee ita nga aldaw, Hunyo 16.
Segun iti opisial nga anunsio a pirmado ni Tulfo ken ti Blue Ribbon Oversight Office Management, awan ti aniaman a panagdenggeg ti Committee on Accountability of Public Officers and Investigations.
Daytoy ket kasaruno ti agwarwaras iti social media post ni dati a Congressman Mike Defensor a nangibaga nga adda hearing mainaig iti flood control scams iti iruar ti Senado.
Nagbalaag ni Tulfo a mabalin a sumango ni Defensor ti “usurpation of authority” gapu ti statement na, depende iti agbalin a kita ti imbestigasion.
-- ADVERTISEMENT --
