VIGAN CITY – Inpaganetget ni Provincial Fishery Coordinator Benny Saraos iti kainapateg ti auxilliary invoice kadagiti maibiyahe wennu maiserrek a lames ken shellfish iti maysa a lugar.
Babaen ti auxilliary invoice, maamuan nu naggapuan na a lugar dagiti naibiyahe a lames ken shellfish.
Makatulong pay ti nasao a dokumento tapnu masigurado a natalged dagiti lames ken shellfish a maiserrek ken mailako kadagiti tiyendaan nangruna nu adda ti red tide bulletin nga iyetnag ti Bureau of Fisheries and Aquatic Resources (BFAR).
Inlawlawag ni Saraos a masapul a mangala dagiti aglaklako ti kopya ti auxilliary invoice dagiti lako da a lames ken shellfish tapnu nu adda maipakita da nu aginspect dagiti market inspector.
Ti nasao a dokumento ket maysa kadagiti requirement a nakailanad iti Republic Act 10654 wennu Fisheries Code of the Philippines a nangamyendar ti Republic Act 8550 wennu Philippine Fisheries Code of 1998.
