VIGAN CITY- Blunt head traumatic injury wenno adda ti naipang-or ken naitupak a natangken a banag iti ulo iti nakatayan ni Mary Joy Ragunton, agtawen ti uppat a pulo ket maysa, ken taga- Cabittaogan, Sta.Catalina a ti bangkay na ket nakita ni Jeffrey Bitoño iti kabaybayan idiay Magsaysay District, Santa idi July 24, kas maibasar iti resulta ti otopsiya ti bangkay na.
Segun kenni Police Inspector Jerry Arzabal, hepe ti Santa Municipal Police Station, alas nuebe y media agingga alas onse ti bigat idi Hulyo 23 ti oras ti pannakatay ti biktima ket mapapati nga inpan da iti kadanuman ti bangkay na ngem saan a timpaw nga insigida ta saan pay a bimsog.
Gapu iti dayta, patien ni Arzabal a saan nga idiay Santa iti lugar a nakatayan ti biktima no di ket naisadsad laeng iti nasao a kabaybayan.
