VIGAN CITY – Binalakadan ti Ilocos Sur Provincial Government dagiti Authorized Persons Outside Residence (APOR) malaksid dagiti cargo a sumrek iti probinsia a kompletwenda ti requirements pakairamanan ti Authority to Enter (ATE) babaen iti PGIS portal (http://forms.gle/8gNNPRkXLcVVWZaK6).
Ti aplikasyon iti ATE ket masapul a malpas dua nga aldaw sakbay ti panagbiahe ket iti panagtalinaed dagiti APOR ditoy probinsia, malimitaran ti garawda ken mamonitor ti kasasaad dagiti kabbalayda.
Dagiti APOR a mangipapaay iti essential goods ken agas, dua nga aldaw laeng ti maipalubos kadakuada tapno maideliver dagiti kargada ngem no dagiti APOR a residente ti Ilocos Sur a mapan agipatulod wenno adda mapanda alaen iti ruar ti probinsia, masapul a no makasublidanton ket agtalinaedda pay laeng iti company-provided barrack ken dumalan iti antigen testing iti tunggal sangapulo nga aldaw.
Kabayatanna, dagiti met APOR nga agbiahe laeng iti maysa aldaw a mapan iti sabali a probinsia ket kasapulan nga aglog-in iti border ken maipakaammo iti LGU nga ayanna a dumalan iti isolation ken Antigen test kalpasan iti 24-48 hours.
Kadagiti met medical APOR kangrunaan dagiti doktor a mangipaay iti serbisyo medikal kadagiti emergency case iti probinsia ket saandan a masapul ti mangipakita iti dokumento kalaksidan laeng iti PRC ID a pakabigbigan kadakauda.
