--Ads--
VIGAN CITY – Awan pay laeng ti naipatungpal a travel restriction idiay Austria kalpasan ti pannakairekordda ti umuna a kaso ti monkeypox.
Iti pannaki-uman ti Bombo Radyo Vigan ken ni Bombo International Correspondent Maureen Amano, ti umuna a kaso ti Austria iti monkeypox ket maysa a lalaki nga agtawen iti tallopulo ket lima a nakarikna iti panagtrangkaso, gurigor, sakit iti tulang, ken adda nagtubo iti rupana.
Residente met laeng idiay Austria ti pasyente a ti mapapati a nakaakaranna ket manipud iti maysa nga Italyana.
Pito agingga sangapulo ket uppat nga aldaw ti panag-isolate ti pasyente ken manarimaanen ti contact tracing kadagiti nakapulapolna.
-- ADVERTISEMENT --
