VIGAN CITY – Pinasingkedan ni Bombo International News Correspondent Denmark Suede idiay Australia nga ipaspasigurado ti Australian government ti kinatalged iti seguridad ni presumptive President Ferdinand “Bongbong” Marcos Jr. iti baet ti panagprotesta dagiti Pilipino kontra iti Marcos-Duterte administration.
Iti pannaki-uman ti Bombo Radyo Vigan ken ni Suede, napan ni Marcos idiay Australia kas private citizen tapno i-enrol ti buridek a putotna iti University of Melbourne ngem gapu ti panagdinamag ti kaadda idi Martes iti nasao a pagilian ni Marcos Jr., ket naaddaan iti bassit a protesta iti service apartment a nagdagusanna.
Palubosan ti Australian government ti panagprotesta dagiti Pilipino iti nasao a pagilian kas maysa a democratic country no la ket awan ti paglabsinganda.
Innayon ni Suede a ti panangkablaaw ti Australian Prime Minister ken ni Marcos Jr. ket gagangay nga ar-aramiden ti maysa a world leader iti siasino man a maideklarar a lider iti maysa a pagilian.
