Australia, apektado iti bushfire kagiddan ti nakaro a heatwave

Nasurok 300,000 nga ektarya ti bushland idiay Victoria, Australia ti naapektaran iti nakaro a bushfire a pinakaro ti heatwave.

Sumagmamano kadagiti uram idiay New South Wales asideg iti border ti Victoria ket umaboten iti emergency level a nakurang 40°C ti temperatura.

Nasurok 130 nga istraktura, agraman dagiti pagtaengan ti nadadael ken mapatta-patta a 38,000 a pagtaengan ken negosyo ti naawanan iti koriente.

Maibilang dayoy a kakarwan nga uram sipud 2019-2020 Black Summer fires.

Nagballaag ni Prime Minister Anthony Albanese iti “extreme dangerous” fire conditions, isu a naisara dagiti adu a parke ken campground.