VIGAN CITY – Numan pay ti Australia ti maysa kadagiti kangrunaan a pagilian nga agar-aramat ti methampethamine kas maibasar rimuar a panagsukisok adda met ti wagas ti gobiernoda tapno malabanan ti droga iti lugarda.
Iti pannaki-uman ti Bombo Radyo Vigan kenni Bombo International News Correpsondent Denmark Suede, maidalan dagiti nakaaramat ti droga iti harm reduction.
Ti harm reduction ket maysa a programa a panggepna a kissayan dagiti negatibo nga epekto iti salun-at, social ken legal impacts ti droga iti maysa a tao babaen ti panangitudokda ti Methadone
Segun ken ni Suede, adda ti prescription dagiti matudukan ti methadone ta daytoy ket makatulong tapno a ngumato ti tama ti maysa a tao
Innayonna nga iti pagilian nga Australia ket saan nga ibilang ti gobiernoda a kriminal dagiti agar-aramat ti droga nu di ket maibilangda a biktima.
VIDEO AUDIO -BINC DENMARK SUEDE
Gapo dayta, saan isuna a mamati a ti droga ti rason ti panagngato met ti krimen iti pagilian a Pilipinas ta ti criminal rate a gapo iti droga idiay Australia ket 15% laeng
Naamoan a saan laeng a ti Australia ti adda ti kasta a progamana nu di ket adda pay idiay Portugal
Innayonna a napintas nga addang ti araramiden ti Australian government ngem narigat a maiyaplikar dayta iti Pilipinas ta patienna a no saan a napintas ti sistema ti gobierno ken nu adda agtaltalinaed a corrupt ket narigat a maipatungpal dagiti banbanag a para iti pagsayaatan ti amin.
VIDEO AUDIO -BINC DENMARK SUEDE
