Kwinestyunaran da Atty. Israelito Torreon ken dadduma pay nga abogado a kaalyado dagiti Duterte iti Supreme Court ti bileg iti presiding officer iti impeachment trial ni Vice President Sara Duterte a ni Sen. Chiz Escudero.
Iti maysa a 16-page very urgent manifestation with motion nga impilada iti Korte idi Lunes, July 6, kiniddaw da Torreon a mangiruar ti Korte Suprema ti temporary restraining order wenno status quo ante order kontra iti maisaysayangkat nga impeachment trial ti bise presidente.
Kinunana a posible nga agresulta iti panagdudua ti validity iti proseso iti trial ti panagbotos ken ni Escudero kas presiding officer.
Nabotosan ni Escudero kas presiding officer iti Senate impeachment court para iti trial ni VP Duterte kalpasan a nakaala iti sangapulo ket dua a botos.
