Sinuspenso ti Korte Suprema iti maysa a tawen ni Atty. Jesus Falcis III gapu iti panagaramatna kadagiti naalas a sarita iti social media.
Iti decision nga insurat ni Associate Justice Jhosep Lopez, sinentensyaan a guilty ti Second Division iti simple a misconduct ni Falcis gapu iti maysa a social media ta pinagsawsaw-anna iti dinadakes dagiti namati iti pammabasul ni Kris Aquino kontra iti kabsatna.
Ni Atty. Jess ti mangibagi kas abogado iti kabsat ni Nicko iti reklamo a qualified theft nga impila idi ti aktres.
Segun iti Korte Suprema, adda wayawaya iti panangipadamag dagiti abogado ngem adda pagpatinggaanna gapu iti sinapataanda a trabaho ken responsibilidadda kas miembro ti Bar.
Innayon ti korte nga imbes nga agaramat iti legal nga argumento, pinili ni Falcis a rauten dagiti supporter ni Aquino ken nagaramatda iti termino a ‘dilawan’ a nangpakaro iti political division.
