Duapulo ket uppat nga oras a maibalud iti detention facility iti House of Representatives ni dati a Presidential Spokesperson Atty. Harry Roque kalpasan a napatawan ti contempt.
Induron ni Kabayan Party-list Ron Salo a ma-contempt ni Roque ta naduktalan iti komite nga agsal-salawasaw inaig iti saanna a panagatendar iti umuna a panagdenggeg iti komite idiay Bacolor, Pampanga idi August 16.
Iti surat ni Roque iti komite idi August 13 ket kinunana a saan a makadar-ay iti panagdenggeg ta adda hearingna idiay Manila Regional Trial Court.
Ngem iti certification a naala iti komite manipod clerk of court iti Manila RTC ket rimmuar nga awan ti hearingna iti nasao nga aldaw.
Nagkiddaw iti pammakawan ni Roque iti nasao nga honest mistake a naaramidna ta naallilaw ken impagarupna a Biernes iti hearingna iti RTC ket ti ammona saan a mangisaysayangkat iti panagdenggeg iti Kamara.
Impatangken ti quad committee a nagsalawasaw ni Roque iti Kamaea isu nga awan ti kimmontra iti mosyon ni Salo a gappuanan ti panangpatibker ni Surigao del Norte 2nd District Rep. Robert Ace Barbers a chairman iti Committee on Dangerous Drugs ken mangidaulo ti quad-committee.
