Impaganetget ni dati a Presidential Spokesperson Harry Roque nga awan ti pagibasaran dagiti reklamo nga impila ti Bureau of Internal Revenue kadakuada.
Segun ken ni Roque, awan ti ania man a napasamak a panagited iti shares ken naipasada amin a tax returns kas mayataday iti linteg.
Pinilaan ti BIR iti willful attempt ti evade taxes ken failure to file tax returns iti salinong ti National Internal Revenue Code of 1997 da Roque ken ti asawana, agraman ti legal counsel-da a ni Percival Ortega, iti Department of Justice.
Pinasingkedan ti BIR a ti addang ket gapu ta umabot iti nasurok P3.35 million ti buwis a saanda a nabayadan karaman ti interesna.
Ngem pinasingkedan ni Roque a paset laeng daytoy iti agtultuloy a panangpulitika ken harassment ta kaalyadoda dagiti Duterte.
