--Ads--
Nagturongen iti Department of Justice ti kabagyan dagiti mapukpukaw a sabungero tapno agipila iti reklamo.
Segun ken ni Ryan Bautista, kabsat ti mapukpukaw a ni Michael Bautista, murder ken illegal detention ti naipila kontra iti negosyante a ni Charlie ‘Atong’ Ang.
Kadua dagiti kabagyan dagiti mapapati pay a saksi ket dimteng met dagiti kameng ti Philippine National Police-Criminal Investigation and Detection Group (PNP CIDG) a nakaiggem iti napuskol a dokumento para iti pannakaipila ti reklamo.
Simmangpet pay ni PNP Chief Director General Nicolas Torre III ngem saan pay a nagsarita mainaig iti kaso dagiti mapukpukaw a sabungero.
-- ADVERTISEMENT --
