Kinumpirmaran ti Department of Justice a pormal a pinilaandan iti kaso ti negosyante a ni Charlie ‘Atong’ Ang mainaig kadagiti mapukpukaw a sabungero.
Segun ken ni DOJ Spokesperson Polo Martinez, napilaan ni Ang ken dadduma pay nga indibidual iti kidnapping with homicide ken kidnapping with serious illegal detention kadagiti Regional Trial Court ti Lipa City, Sta. Cruz ken San Pablo, Laguna idi December 19.
Adda iti korten iti panangiruar iti warrant of arrest no mabigbig ti probable cause maibasar iti ebidensia ken resolusyon ti panel dagiti prosecutor.
Immunan a nakitaan iti umdas a basaran ni Ang, sumagmano a pulis, ken dadduma pay a karaman tapno makasoan dagiti 10 a bilang ti kidnapping with serious illegal detention mainaig iti kaso dagiti mapukpukaw a sabungero.
