VIGAN CITY – Awan pay ti nairekord a natalimudaw wenno naawanan ti puot nga atleta gapu ti nabara a panawen kagiddan ti pannakaisayangkat dagiti sports competition ti Region 1 Athletic Association Meet idiay Ilocos Norte.
Iti pannaki-uman ti Bombo Radyo Vigan ken ni Administrative Officer V Cesar Bucsit nga a mangidaulo ti Public Affairs Unit iti Office of the Regional Director iti Department of Education Region 1, naannayas ti paay-ayam ta nu maipanggep iti venue ket adda ti gymnasium a pakaisayangkatan kadagiti ay-ayam, ket nu ti biang ti outdoor events ket adda laeng ti oras a panagay-ayamda ta nu nabara unayen ket maipasardeng.
Segun ken ni Bucsit, adda dagiti medical personnel a nakastandby a mangkita kadagiti atleta inaig ti kasasaadda nangruna nu adda ti emergency.
Nabalakadan dagiti atleta nga agbalin a hydrated latta tapno saanda agpeggad ita a nabara ti panawen.
Nupay kasta ket siguradoen ti technical officials ken tournament managers a ti panagay-ayam dagiti ubbing ket saan unay a nabara tapno saanda a marigatan.
VIDEO – ADMINISTRATIVE OFFICER V CESAR BUCSIT
