Saan a pinatgan ti The Netherlands ti kiddaw nga asylum ni dati a Presidential Spokesperson Atty. Harry Roque.
Segun ken ni Justice Secretary Jesus Crispin Remulla, iti agdama ket adda idiay Germany ni Roque nga isu ti posible a pagkiddawanna iti asylum.
Iti agdama, ad-adalen ti Germany ti kas oni Roque.
Idi met masaludsod ni Remulla no legal met laeng nga umakar-akar iti pagilian ni Roque ket kinuna ti opisial a posible latta no la ket adda visa ta adda open borders ti European Union.
Ni Roque ket karaman kadagiti adda arrest warrant-na gapu iti kaso a qualified human trafficking mainaig iti illegal POGO a Lucky South 99.
Kabayatanna, pinaglibakan met ni Roque ti kinuna ni Remulla, ta kunana nga adda laeng napananna idiay Germany ngem agsubli met laeng idiay Netherlands.
