--Ads--
VIGAN CITY – Inkalintegan ni City Veterinary Officer Dr. Rayeth Robiñol a kasapulan nga ipatungpal dagiti opisial kadagiti nadumaduma a barangay ti astray animal ordinance tapno awan iti agkaiwara nga ayup kadagiti kalsada.
Segun ken ni Robiñol, dagiti aso wennu aniya pay a taraken nga agkaiwara iti kalsada ket isu ti maysa kadagiti rason iti aksidente a nu dadduma ket pakatayan dagiti tattao nga agmaneho iti motorsiklo.
Malaksid iti dayta, isu pay iti pakadaddaelan dagiti sanikua ken mula.
Agsipud iti dayta, kalikaguman ti veterinary officer a makita ti provincial board iti nasao a banag tapnu makaiwayat da iti naan- anay nga aksyon.
