VIGAN CITY – Immandar ni President Ferdinand “Bongbong” Marcos Jr nga aramaten dagiti assets ti gobierno a pangtulong kadagiti tattao a naapektaran ti gingined.
Segun kenni PBBM, kangrunaan a kasapulan dagiti tattao ket danum, makan ken pannakaited iti materyales a maaramat tapno makasubli kadagiti pagtaenganda ken siguradwen a nakasagana ti gobierno a mangtulong kadagiti amin nga agkasapulan.
Kalaksidan kadagiti umili nga agkasapolan iti tulong, kayat ni Presidente Marcos nga insigida a makita dagiti ospital, clinics sakbay dagiti government buildings.
Immandar na pay iti koordinasyon kadagiti nadumaduma nga ahensya tapno saan a sayang iti oras ken pondo.
Agtultuloy a nakamonitor ti national government kadagiti addang nga amaaramid ken masapol nga adda iti plano dagiti nadumaduma nga ahensya sakbay nga agtignay.
