Ituloy ti Independent Commission for Infrastructure -Technical Working Group for Asset Recovery ti panangala dagiti natakaw a pondo ken sanikua manipud kadagiti karaman iti maanomalya flood control projects.
Daytoy ket uray agleppasen ti operasion ti ICI inton Marso 31, 2026.
Segun ken ni ICI-Technical Working Group chairperson USec. Renato “Aboy” Paraiso, saan a nakaawat ti grupo ti pormal a direktiba manipud ti komision partikular ken ni chairman Andres Reyes nga agirekomenda a palpasen metten ti komision ti operasion na daytoy.
Immuna a nangibaga ti suporta ti Office of the Ombudsman ken Office of the Solicitor General para iti agtultuloy a technical working group para iti panagala ti assets.
Segun ken ni Paraiso, addan ti naammuan da a mekanismo a mangted dalan iti gobierno tapno marekobre dagiti asset iti maipagarup a konektado iti maanomalya a flood control projects.
