--Ads--
Impakaammo ti Philippine Institute of Volcanology and Seismology (PHIVOLCS) nga adda naobserbaran nga ash emission manipud iti Bulkan Kanlaon.
Segun ti ahensia, napasamak ti emission idi kalman ken nagpaot ti tallo a minutos.
Naobserbaran ti aktibidad ti bulkan usar ti IP camera iti Kanlaon Volcano Observatory–Canlaon City Observatory.
Agdama nga adda iti Alert Level 2 ti Kanlaon Volcano, kayat na sawen, maiparit ti panagserrek iti uppat a kilometro radius ti Permanent Danger Zone.
-- ADVERTISEMENT --
Maiparit met ti panangipatayab ti aniaman nga aircraft nga asideg iti bulkan bayat nga agtultuloy a banbantayan ti Phivolcs ti aktibidad ti bulkan tapno mapagtalinaed ti kinatalged dagiti residente iti aglawlaw.
