--Ads--
Bimmaba ti bilang dagiti barangay nga apektado iti African Swine Fever.
Segun ken ni Department of Agriculture Assistant Secretary Arnel de Mesa, idi March 14, 2025 ket tallopulo ket siam a barangay manipod duapulo ket pito nga ili ken siudad iti adda aktibo a kaso iti ASF manipod iti innem a pulo ket innem a barangay a nairekord iti maudi a paset iti Pebrero.
Kaadoan a nairekord a kaso ket idiay Region 7 kangrunaan idiay Bohol.
Adda pay nairekord a baro nga ASF idiay Region 4A kangrunaan idiay Sta. Maria, Laguna ngem kontrolado ta nainget ti bio security measures iti amin nga stakeholders iti hog industry iti lugar.
-- ADVERTISEMENT --
